അനുപമേ ഈ അൽപ ദൂരമോന്നെങ്കിലും.
അനുയാത്ര ചെയ്തത് ഓർത്തുവക്കുന്നു ഞാൻ..
അവിരാമം നിന്നെ ഓർത്തു നെടുവീർപ്പുമായ്..
അലയും എൻ മനസ്സിൽ അത് തണുപ്പായിടാം..
അർഥങ്ങൾ ഇല്ലാത്ത ചിന്തയാണെങ്കിലും.
അർഥിച്ചു പോകുന്നു മനസ്സിനാൽ നിർഭയം..
ആരണ്യം ഒന്ന് കരിഞ്ഞു പോയ് ഇന്നെന്റെ..
ആരാണ് ഞാൻ എന്ന ചിന്തതൻ തുമ്പിലായ്.
അവൾ പോയി ഒരു സുപ്രഭാതം ചൊല്ലി..
അറിഞ്ഞു മുറിച്ചിട്ട കൈയെന്നറിയാതെ .
അളക്കുവാൻ... എന്നേ അളക്കുവാൻ മാപിനികൾ തേടി...
അപ്പോഴും നിൽക്കുന്നു അവളിൽ ആ ചിന്തകൾ..
No comments:
Post a Comment