വിഷാദത്തിന്റെ വിയർപ്പ്

വിഷാദത്തിന്റെ വിയർപ്പ്

വിരൽ തുമ്പിൽ നിന്നും
കൈത്തണ്ടയിലേക്ക്..
പിന്നെ
ഒരു ചെറു തണുപ്പിലേക്ക്..

ചൊടിത്തുമ്പിൽ നിന്നും
അന്നനാളത്തിലേക്ക്..
പിന്നെ
ഒരു ചെറിയ വിറവലിലേക്ക്..

ഇന്ദ്രിയങ്ങളിൽ നിന്നും
റയിൽവേ പാലങ്ങളിലേക്ക്
പിന്നെ
പല കഷ്ണങ്ങളിലേക്ക്..

മിഴി തുമ്പിൽ നിന്നും
കഴുത്തിലേക്ക് .
പിന്നെ
ഒരു "ധന്യ " നിശ്ശബ്ദതയിലേക്ക്..

ഒടുവിൽ എല്ലാവിയർപ്പും
ഒടുങ്ങുന്നത്
ജനനത്തിന്റ  പുഴയിലൂടൊഴുകി  മരണത്തിന്റെ കടലിലേക്ക്..