ഗതകാല സ്മൃതികൾ തൻ വേദിയിൽ നിന്നു ഞാൻ..
ഒറ്റക്ക് പാടാൻ കൊതിച്ചു നിൽക്കെ..
ഗണിതങ്ങളെ പോലും തോൽപ്പിച്ചു ചിന്തകൾ..
ഒരു സംഘ ഗാനം പാടിപ്പോയി ..
പറയാൻ മടിച്ച വാക്കുകൾ കൊണ്ടുള്ളം..
പുകയുന്ന വരികളിൽ മഷി പടർത്തി..
പ്രണയത്തിനാദിയിൽ നെഞ്ചിൽ കൊരുത്തൊരു..
പഴയ കാലസ്മൃതി ഗാനമായി..
ഒറ്റക്കിരിക്കുമെൻ ചിന്തകൾ പാടിയ..
സംഘഗാന ശ്രുതി കേട്ടുണർന്നു..
ചുറ്റും തിരഞ്ഞു ഞാൻ ഭൂതകാലത്തിന്റെ..
പുൽക്കൊടി തുമ്പിലെ നീർക്കണങ്ങൾ..
No comments:
Post a Comment